أسباب مختلفة ممكن تخلّي الواحد يحكي

نفس نوع العلاقة، نفس الخيار، نفس الحيط المسدود بالشغل أو بطريقة تعاملك مع حالك. النمط غالباً بيحمي شي، وكمان بيكلّف شي.

العلاج مطرح لنتطلّع شو عم يعملّك النمط، ومن وين جايي، وشو بدّو لتقدر تعيش بشكل مختلف.

نفس الحدث ما بيأثّر على شخصين بنفس الطريقة. اللي صار ممكن يضلّ ينعاش بالعلاقات، بالذكريات، بالنوم أو بالجسم، أوقات لمدّة طويلة بعده.

الشغل بيعطي مطرح للّي صار بلا ما يختصرك فيه، وعلى إيقاع فيك تتحمّله. قسم كبير من شغلي، بالعيادة وبالعمل الإنساني، كان مع الصدمات.

الأسئلة عن الجنسانية والجندر والهوية ممكن تلمس الرغبة والانتماء والخجل والعيلة والإيمان، وممكن تجيب ارتياح وصراع بنفس الوقت.

تجربتك إنت بتضلّ بالنصّ. ما في داعي لتصنيف لتبلّش، وما حدا رح يعطيك واحد.

القرب والبعد، الاتّكال، الغيرة، الخلاف، الخوف من إنّو حدا يتركك أو يبلعك. اللي بيصير بين الناس غالباً إلو تاريخ.

العلاج بيسمع شو عم تعيد علاقاتك، وشو ممكن يعني هالشي بقصّتك إنت.

قلق، مزاج تعبان، حزن على خسارة، نوبات هلع، ليالي بلا نوم، أو مشاعر حاسسها أكبر منك. ما بتحتاج تشخيص لتبلّش.

منبلّش من كيف إنت عايشها، مش من لايحة

الهوية، الصداقات، العيلة، المدرسة، الجسم، المستقبل. نظرة المراهق بتجي أوّلاً، وإلى جانبها اللي مقلّق الأهل.